O 4 de outubro de 2009 celebraremos a VI Ruta a Lalín en BTT, unha nova edición con trazado inédito. Como xa sabedes os asiduos a esta marcha, todos os anos buscamos novos camiños e carreiros, tratando de descubrir esquecidas e xenuínas paisaxes e recunchos case ignotos da Comarca.

Neste ano a ruta toma rumbo sueste, buscando as terras de Dozón, tras uns primeiros quilómetros por lalinenses. Unha boa parte dos nobres e enxebres camiños desta ruta transcorren polo veciño concello de Castro-Dozón. Xa o poeta Ramón Cabanillas cantara a estas terras:
...
Terras outas de Dozón!
Terras bravas, montesías,
De menhires e cruceiros
Que soñan baixo os luceiros
Con antergas teoloxías.

E sirven para irnos ambientando nos camiños que esperan. Bos de andar (pedalear) pero esixentes. Será na praza da capital castrexa onde repoñeremos forzas, longo de 25 km e unha prolongada e dura subida. Logo encamiñámonos novamente cara os eidos de Lalín para movernos polas beiras do río Seixas e o seu val. Boa parte desta segunda parte da ruta transcorre por unha das paraxes máis fermosa e enfeitizadora da Comarca do Deza. As derradeiras pedaladas farémolas pola Vía da Prata, o camiño xacobeo do sueste, para xa entrar en Lalín.

Paisaxe, camiños, carballos, carreiros, pedra, auga, pontes ... unha morea de elementos acudirán ao camiño para que insuperables sensacións se acheguen o día da ruta e se graven na nosa mente. Ademais, as propias dificultades da marcha (física alta e técnica media) farán que a xornada perdure no noso corpo.

Queremos agradecer de antemán a vosa participación, desexarvos que gocedes do percorrido e da amabilidade destas terras. Estamos a traballar para ofrecer os servizos habituais (avituallamentos, asistencia mecánica, ambulancia, duchas, lavado de bicis...) así como os merecidos agasallos. Nesta edición o xantar será no pavillón municipal, pretendemos organizar unha comida típica galega (empanada, carne ó caldeiro, postre, pan e bebida), con todos sentados ao carón da confraternidade btteira.

Lembrade que saímos e chegamos desde o estadio M. Anxo Cortizo (o campo de fútbol) e que para poder dar un mellor servizo pechamos a inscrición o día 30 de setembro ou ao cubrir as 300 prazas.

Máis información aquí:
http://www.alambikelalin.com/2009-vi-ruta-lalin-btt/
http://www.foromtb.com/f46/vi-ruta-lalin-en-bicicleta-todo-terreno-508025.html

se non hai novidade a esta haberá que ir de novo. Sempre o fan xenial.

Por esas fechas o tempo xa será máis agradable. jejeje

Bueno pois xa estou eu tamén inscrito nesta.

Mañá imos ter un tempo espléndido Que bon son. Xa o predixen cun mes de antelación . Voume adicar un aplauso que ben o merezo

Moi bó jejeje
En adiante ímosche chamar o Pemán de Ciclaspontes

As fotos xa están en camiño. Foi unha ruta preciosa cunhos sendeiros guapisimos (algún deles de 14 séculos de antigüedade según un foraneo do lugar que tamén ia na marcha). A marcaxe moi boa e poucas veces se saia á carretera. Nas poucas ocasións que se saiu sempre estaban os membros de Tráfico para parar os coches e que nosoutros poidesemos pasar. Todo perfectamente organizado, a xente de Alambike moi atenta e amable. E ainda por riba e a pesar da lama que había, non nos choveu en toda a mañá. Estivo un día moi agradable (Chente xa non valgo para Pemán jejeje). En xeral unha ruta dun nivel altísimo. Incluso nos ponían música no avituallamiento. Foi incrible. E bueno, e como dixen, en canto teña as fotos listas xa as poño aquí para que as vexades.

Listas. Ahí van:
http://picasaweb.google.es/natxo.hermida/ViRutaLalinBtt#

Mais efectividade é imposible Nacho. Moi boa pinta teñen esas fotos! E digo eu ¿qué tal lle foi a ruta ó voso colega da bici ríxida-ríxida? Aínda queda xente brava

Xa quixeramos nós andar coma él.

Nacho Hermida escribió:

Xa quixeramos nós andar coma él.

O que val realmente e o "Moneco" , de todos os xeitos si foi con vos andivo de Carallo ....... Estades feitos uns cracks , pena de non poder haber ido facervos compañia

FSEOANEP escribió:

Nacho Hermida escribió: Xa quixeramos nós andar coma él. O que val realmente e o "Moneco" , de todos os xeitos si foi con vos andivo de Carallo ....... Estades feitos uns cracks , pena de non poder haber ido facervos compañia

Anímate na próxima. Para min é unha das mellores de galicia (das que coñezo). Como di Nacho, pola xente, polo recorrido, polo marcaxe, pola música nos avituallamentos, polas camisetas de deseño, outra vez pola xente...en fin van tres ou catro anos e seguirá sendo unha fixa a pesar da distancia. Esperamos que a próxima vez vaiamos uns cantos ciclaspontes.
En canto ao amigo Chapi non hai quen o convenza para aumentar os 8 kg da burra que leva. É bravo, bravo porque ademais baixa que nin dios.